Psa 15 | KYG | STEP | Ala kava nene, hu'na, haiya agufa vaya'mogimo seli mono nokafi'mo afa'a hai'a maigae. Haiya agufa vaya'mogimo kaote avele'mo afa'a hai'a maigae.

Psalms 15

Seli mono no'afi'mo afa'a hai'a maisaya vaya'aife'mo apava gemae

1 Ala kava nene, hu'na, haiya agufa vaya'mogimo seli mono nokafi'mo afa'a hai'a maigae. Haiya agufa vaya'mogimo kaote avele'mo afa'a hai'a maigae.

2 Vai'mo o'ali'a he ti'a umenitata huge fatago kava'mo huge apaipafati'mo lama gemo huge 3 hu'a faipa hu'a o'apatege apao vaya'aitegamo hosu kava'mo osuge hapaopale ne'maiya vaya'aifenagi alu vaya'aifenagi hu'a hosu faigoko gemo nehaya gemo o'afige 4 Goti'a ohau'niya vaya'aife'mo, laulagale'mo ina agufa vaya'mo mai'nae, hu'a huge Gotife'mo koli nehaya vaya'ai apaki'apile'mo ali'a asaga hu'a apatege Goti agi'alefe'mo ani kava'mo hugune, hu'a hapa nepaiya gemo akame hisayafe'mo kana hu'nisiyana afa'a akame huge 5 akamelegati'mo mago'e monimo o'alige vai'mo o'apami'naya vaya'aitegamo hosu kava'mo hisayafe'mo kutulu monimo ohagege hu'a ne'maiya vaya'mogimo hai'a maigae.

Ali'a hapa ofaisage'a ani agufa kava'mo nehisaya vaya'mogimo muki afina'mo maige maige hu'a maigae.